Achtung, Plattdeutsch! – Schönstes Wort des Jahres gesucht

Posted by Meuselwitz
April 18, 2010

An dieser Stelle geht es um den Wettbewerb um das schönste plattdeutsche Wort zum 200. Reuterjahr – und weil das so ist, deshalb gleich alle Informationen dazu auf Plattdeutsch:

„Un doch gräunt so lustig de Eikbom up Stun’ns,
wi Arbeitslüd’ hewwen em wohrt,
De Eikbom, Herr König, de Eikbom is uns’,
Uns’ plattdütsche Sprak is’t un Ort.”

In das 200. Reuterjohr möt jo woll en Reuterzitat sien, obschonst wi in’t Nahdenken kamen känen, wat dat nu is: plattdütsche Ort. Man dat wi Arbeitslüd den Eikbom wohren willen, kann so slicht nich sien, un dorüm,

leiwe Frünn’ von de plattdütsche Sprak, säuken wi ok in dit Johr dat schönste plattdütsche Wurt in de drei Kategorien:

1. dat schönste plattdütsche Wurt
2. den besten aktuellen plattdütschen Utdruck
3. de beste Redensort oder dat beste Sprichwurt.

För jede Kategorie sall, dorüm bidden wi hartlich, jeder Insender, jede Insenderin blot ein Vörschlag gewen.
Dat Wurt oder de Utdruck möt all in Gebruk sien, nich blot bi de Insender. Wi kiken denn nah bi Wossidlo-Teucherten, bi Hermann-Wintern un ok bi Brinckmannen. Un wenn’t all nich helpt, ok noch bi Reutern.

För den Insender oder de Insenderin vun dat Siegerwurt / aktuellen Utdruck / Redensort – dat is jeweils dat mit de meisten Punkte von de nedderdütsche Jury bi den Landesheimatverband – giwwt’t wedder ‘n lütten Pries von’t Fritz-Reuter-Literaturmuseum un ok ein von den Landesheimatverband.

Verkünd’t warden de Sieger bi de ReuterFestspiele in Stemhagen an’n 20. Juni 2010.

Wi bidden Sei: Schriewen S’ Ehr Wurt, aktuellen Utdruck orrer Redensort up ‘ne Postkort orrer in den Computer (so as ümmer: glieks in dat Anschriewen, kein Anhang, de ward nich upmakt!!!) un schicken `S dat bet tau’n 15. Maimand (15.05.2010) an den

Landesheimatverband Mecklenburg-Vorpommern e.V.
Büro für Ostmecklenburg und Vorpommern
Friedrich-Engels-Ring 52 F, 17033 Neubrandenburg
Telefon: 0395 / 57 19 19-0; Fax: 0395 / 57 19 19-5, E-Mail: Ihv-nb@landesheimatverband-mv.de

oder an dat

Fritz-Reuter-Literaturmuseum
Markt 1, 17153 Stavenhagen
Telefon: 039954 / 21 072; Fax: 039954 / 27 98 34, E-Mail: nenz.literaturmuseum@stavenhagen.de
Schwerin/Stavenhagen, 25.03.2010

Quelle: Landesheimatverband Mecklenburg-Vorpommern e.V.

OstseeKulturell

Weitere Ostsee-Tipps / Was Dich auch noch interessieren koennte:

If you enjoyed this post, please consider to leave a comment or subscribe to the feed and get future articles delivered to your feed reader.

Comments

Noch keine Kommentare.

Die Kommentarfunktion für diesen Artikel ist momentan deaktiviert.